ایس ای سی پی نے نیا آن لائن کمپلینٹ مینجمنٹ سسٹم ’ایس ای سی پی ایکس ایس‘ متعارف کروا دیا

سکیورٹیز اینڈ ایکسچینج کمیشن آف پاکستان (ایس ای سی پی) نے کمپنیوں کی رجسٹریشن، گوشواروں کی فائیلنگ اور کارپوریٹ رجسٹری سے متعلق دیگر مسائل کے تیز تر سلوشن فراہم کرنے کے لئے نیا ڈیجٹل کمپلینٹ مینجمنٹ سسٹم ’ایس ای سی پی ایکس ایس ‘ متعارف کروا دیا ہے۔سکیورٹی ایکسچینج کمیشن آف پاکستان کی جانب سے جاری پریس ریلیز کے مطابق ایس ای سی پی کی جدید اور مکمل خود کار کارپوریٹ رجسٹری ’ایزی فائل‘ متعارف کروانے کے بعد کے کامیاب تعارف کے بعد، صارفین کے مختلف مسائل اور معلوماتی سوالات کے جوابات کی فوری فراہمی اور فائیلنگ اور رجسٹریشن کے تکنیکی مسائل کے فوری حل کی فراہمی کی ضرورت کو سمجھتے ہوئے ’ایس ای سی پی ایکس ایس ‘ متعارف کیا جا رہا ہے

جو کہ ریگولیٹری رپورٹنگ کی عمومی شکایات کے حل کے لیے ایک صارف دوست اور تیز ترین پلیٹ فارم ہے۔’ایس ای سی پی ایکس ایس ‘ ایک سینٹرلائزڈ پلیٹ اور ون سٹاپ کمپلینٹ مینجمنٹ سلوشن ہے جو اپنے صارف کو باقاعدگی سے اپ ڈیٹس، نوٹیفیکیشنز، اندارج شدہ شکایت پر پیشرفت سے باخبر رکھتا ہے ۔ یہ ایک نہایت آسان پلیٹ فارم ہے جو کہ صارف کے اطمینان اور ایس ای سی پی کی کارکردگی اور سروس کے معیار کی بہتری کو یقینی بنائے گا۔

ایس ای سی پی ایکس ایس کا تعارف کارپوریٹ سیکٹر میں شفافیت، جوابدہی اور بہترین کارکردگی کے لیے ایس ای سی پی کے عزم کی عکاسی کرتا ہے۔ایس ای سی پی ایکس ایس اور اس کی مختلف خصوصیات کے بارے میں مزید معلومات کے لیے https://xs.secp.gov.pk ملاحظہ کریں یا ایس ای سی پی کی ہیلپ لائن 080088008 پر رابطہ کریں۔