کملا ہیرس کی جیت جانے پر امریکا ایپ سٹورز سےایکس کو ہٹانے کا مطالبہ کرے گا ،ایلون مسک

امریکی کاروباری ایلون مسک نے کہا کہ اگر موجودہ نائب صدر اور ڈیموکریٹک امیدوار کملا ہیرس آئندہ صدارتی انتخابات جیت جاتی ہیں تو امریکا ایپ سٹورز سےایکس کو ہٹانے کا مطالبہ کرے گا۔ تاس کے مطابق ایلون مسک نے ایکس پر لکھا کہ جعلی جج ایپل اور گوگل کو مجبور کر رہے ہیں کہ وہ اپنے ایپ سٹورز سے ایکس کو ہٹا دیں۔ انہوں نے مزید کہا کہ اگرکملا ہیرس جیت گئیں تو ایسا ہی ہو گا۔ واضح رہےایکس نے 17 اگست کو اعلان کیا کہ وہ اپنے ملازمین کو دھمکیوں کی وجہ سے برازیل میں اپنا دفتر بند کر رہا ہے۔

کمپنی نے دعویٰ کیا کہ اس نے برازیل کی سپریم کورٹ کے جج الیگزینڈر ڈی موریس سے ایک خفیہ حکم نامہ حاصل کیا ہے جس میں اس نے کمپنی کے مقامی قانونی مشیر کے خلاف مقدمہ چلانے کی دھمکی دی ہے جب تک کہ ایکس نے بعض اکاؤنٹس کو بلاک کرنے کے احکامات کی تعمیل نہیں کی۔ بعد میں، ڈی موریس نے ایکس پر ایک پوسٹ کیا، جس میں مسک سے 24 گھنٹے کے اندر ملک میں ایک اور قانونی نمائندہ مقرر کرنے کا مطالبہ کیا گیا۔ اس کے علاوہ برازیل میں مسک کا اسٹار لنک ہولڈنگ اکاؤنٹ بلاک کر دیا گیا تھا۔