زمبابوے اور بھارت کے درمیان چوتھا ٹی ٹونٹی کرکٹ میچ ہفتہ کو کھیلا جائے گا

زمبابوے اور بھارت کی مردوں کی کرکٹ ٹیموں کے درمیان پانچ ٹی ٹونٹی انٹرنیشنل میچوں کی سیریز کا چوتھا میچ کل (ہفتہ کو) ہرارے سپورٹس کلب، ہرارے میں کھیلا جائے گا،بھارتی ٹیم کو میزبان زمبابوے کے خلاف پانچ میچوں کی سیریز میں 1-2 کی برتری حاصل ہے۔

زمبابوے کی ٹیم نے پہلے ٹی ٹونٹی میچ میں بھارت کو 13 رنز سے شکست دی تھی جس کے جواب میں بھارتی ٹیم نے دوسرے ٹی ٹونٹی میچ میں جاندار کم بیک کرتے ہوئے میزبان زمبابوے کی ٹیم کو 100 رنز سے شکست دے کر مقابلہ 1-1 سے برابر کر دیا،تیسرے ٹی ٹونٹی میچ میں بھارتی ٹیم نے زمبابوے کو 23 رنز سے شکست دے کر 1-2 کی برتری حاصل کرلی۔ بھارتی کرکٹ ٹیم نے اپنے دورہ زمبابوے کے دوران میزبان ٹیم کے خلاف پانچ ٹی ٹونٹی میچوں کی سیریز کھیلنا ہے جس کے تین میچز کھیلے جا چکے ہیں۔ زمبابوے اور بھارت کی ٹیموں کے درمیان 5 ٹی ٹونٹی کرکٹ میچوں کی سیریز کے تمام میچز ہرارے سپورٹس کلب، ہرارے میں کھیلے جائیں گے ۔

بھارتی ٹیم کو شبمن گل لیڈ کریں گے جبکہ زمبابوے کی ٹیم کی قیادت سکندر رضا کریں گے۔دونوں ٹیموں کے درمیان سیریز کا چوتھا میچ (کل )ہفتے کو کھیلا جائے گا جبکہ پانچواں اور آخری ٹی ٹونٹی میچ 14 جولائی کو کھیلا جائے گا