ڈونلڈ ٹرمپ بات کرنا چاہتے ہیں تو میں بھی تیار ہوں، روسی صدر

روس کے صدر ولادیمیر پیوٹن نے امریکا کے 47 ویں صدر ڈونلڈ ٹرمپ کو مبارکباد دیتے ہوئے کہا ہے کہ وہ ان سے بات کرنے کے لیے تیار ہیں۔ تاس کے مطابق انہوں نے روس کے شہر سوچی میں منعقدہ انٹرنیشنل والداے ڈسکشن کلب کے اجلاس میں بات چیتکے دوران کہاکہ ڈونلڈ ٹرمپ پر قاتلانہ حملے کی کوشش کے دوران انکے برتاؤ سے متاثر ہوئے کہ وہ ایک بہادر آدمی ہیں۔

انہوں نے کہا کہ ڈونلڈ ٹرمپ اپنا صدارتی کارکردگی کا آخری دور گزار رہے ہیں اور کیا کچھ ہو سکتا ہے اس بارے میں کچھ نہیں جانتے، لیکن انہوں نے روس کے ساتھ تعلقات کو بحال کرنے اور یوکرین بحران کے خاتمے میں معاونت کی خواہش کا اظہار کیا ہے۔ میرا خیال ہے کہ یہ کم از کم غور کرنے لائق ہے۔

روسی صدر کامزید کہنا تھا کہ روس امریکی عوام کے ذریعے منتخب ہونے والے صدر کے ساتھ کام کرے گا اور میں اس موقع کا استعمال کرنا چاہتا ہوں کہ انہیں امریکی صدر منتخب ہونے پر مبارکباد دوں، اگر کوئی بھی رابطے کو جاری رکھنا چاہتا ہے تو ہم اس کے خلاف نہیں ہیں۔