وزیراعظم شہباز شریف کی پاکستان کرکٹ ٹیم کو آسٹریلیا کے خلاف ون ڈے میچ میں شاندار کامیابی پر مبارکباد

وزیراعظم شہباز شریف نے پاکستان کرکٹ ٹیم کو آسٹریلیا کے خلاف ون ڈے میچ میں کامیابی حاصل کرنے پر مبارکباد دیتے ہوئے کہا ہے کہ ایک اور غیر معمولی میچ میں فتح پر مبارک ہو۔ ہم جانتے تھے کہ آپ یہ کر سکتے ہیں۔

جمعہ کو وزیراعظم نے سوشل میڈیا ایکس پر اپنی ایک پوسٹ میں کہا کہ آسٹریلیا کے خلاف متاثر کن فتح پر ہمیں اپنی کرکٹ ٹیم پر فخر ہے ۔ انہوں نے کہا کہ کامیابی کے پیچھے چیئرمین پی سی بی محسن نقوی اور پوری ٹیم کی بہت بڑی کاوشیں ہیں۔

وزیراعظم نے کپتان محمد رضوان کو ٹیم کی قیادت کے ساتھ ساتھ میچ کے دوران 6 کیچ پکڑنے ، صائم ایوب کو 82 رنز بنانے اور حارث رئوف کو 5 وکٹیں حاصل کرنے پر مبارکباد دی۔ وزیراعظم محمد شہباز شریف نے کہا کہ ہماری ٹیم کے حوصلے بلند ہیں۔اپنے ملک کا نام روشن کرتے رہو۔