بین الاقوامی تجارتی نمائش میں شرکت کے لئے درخواستیں 10جنوری تک طلب

ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ ملائیشیا میں منعقد ہونے والی بین الاقوامی تجارتی نمائش ’’ ملائیشین ایسوسی ایشن آف ٹوور اینڈ ٹریول ایجنٹس فئیر ‘‘ میں شرکت کے لئے 10جنوری تک درخواستیں جمع کرائی جاسکتی ہیں ۔

ٹی ڈی اے پی کے مطابق 3 روزہ نمائش ملائیشیا کے دارلحکومت کوالالمپور میں 18تا 20 اپریل جاری رہے گی جس میں ٹریول ایجنٹ ، ٹوور آپریٹر اورہوٹل سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے ۔نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔