تجارتی نمائش دی کینین فوڈ ایونٹ میں شرکت کے لئے درخواستیں 26 جولائی تک جمع کروائی جاسکتیں ہیں ، ٹی ڈی اے پی

ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ کینیا میں منعقد ہونے والی بین الاقوامی تجارتی نمائش ’’دی کینین فوڈ ایونٹ‘‘ میں شرکت کے لئے درخواستیں 26 جولائی تک جمع کروائی جاسکتیں ہیں ۔

ٹی ڈی اے پی کے مطابق 3روزہ نمائش کینیا کے شہرنیروبی میں 3 تا 5ستمبر جاری رہے گی جس میں فوڈ اور بیوریجز سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے ۔نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔