اسرائیل کے خلاف پابندیاں عائد کرنا یورپی یونین کے ایجنڈے میں شامل ہونی چاہییں ، جوزف بوریل

یورپی یونین کے اعلیٰ نمائندے برائے خارجہ امور اور سلامتی پالیسی جوزف بوریل نے کہا کہ اسرائیل کے خلاف پابندیاں عائد کرنا یورپی یونین کے ایجنڈے میں شامل ہونا چاہیے۔رائٹرز کے مطابق جوزف بوریل نے اسرائیل کے انتہائی دائیں بازو کے وزیر برائے قومی سلامتی اتامار بن گیور کے بیانات کے حوالے سےایکس پر ایک پوسٹ جاری کی۔عالمی برادری کے غزہ میں جنگ بندی کا اعلان کرنے کے لیے کام کرنے کا اشارہ دینے والے بوریل نے شہریوں کے لیے ایندھن اور امداد میں کمی کے بین گویر کے مطالبے پر ردعمل مظاہر ہ کیا۔

انہوں نے کہا کہ مذکورہ بیان "جنگی جرائم کی حوصلہ افزائی” تھا، بالکل اسی طرح جیسے اسرائیلی وزیر خزانہ بیزلیل سموٹریچ نے کہا تھا کہ 2 ملین غزہ کے لوگوں کی فاقہ کشی سےہونے والی اموات کو "جائز”قرار دیا جا سکتا ہے، اور کہا کہ پابندیاں ہمارے ایجنڈے پر ہونی چاہئیں۔متحدہ کے انسانی حقوق کے ہائی کمشنر وولکرترک کے بیان سے متعلق مذمت کی حمایت کرنے کا ذکر کرتے ہوئے بوریل نے کہا،

"ہم اسرائیلی حکومت سے مطالبہ کرتے ہیں کہ یہ امریکا، قطر اور مصر کی ثالثی کے تحت جنگی جرائم کے ارتکاب کے لیے ان مراعات سے واضح فاصلہ رکھے اور فوری جنگ بندی کو یقینی بنائے۔انہوں نے مزید کہاکہ میں آپ سے نیک نیتی کے ساتھ مذاکرات میں حصہ لینے کا مطالبہ کرتا ہوں۔