اے این ایف کا منشیات سمگلنگ کے خلاف کریک ڈاؤن جاری ، 5 کارروائیوں میں 2 خواتین سمیت 6 ملزمان گرفتار
اے این ایف نے ملک کے مختلف شہروں میں منشیات سمگلنگ کے خلاف جاری کریک ڈاؤن کے دوران 5 کارروائیوں میں 2 خواتین سمیت 6 ملزمان گرفتار کر لیے۔ اے این ایف ہیڈکوارٹر راولپنڈی سے جمعہ جاری گزشتہ چوبیس گھنٹوں کی انسداد منشیات کارروائیوں کی تفصیلات کے مطابق تازہ کارروائیوں میں 1 کروڑ روپے سے زائد مالیت کی 13.930 کلوگرام منشیات برآمد کی گئیں۔جی ٹی روڈ راولپنڈی پر پارک کے قریب خاتون سے 6 کلوگرام چرس برآمد کی گئی۔اسلام آباد میں 26 نمبر چونگی کے قریب خاتون سے 5 کلو گرام ہیروئن برآمد کی گئی۔ایم ون موٹر وے.اسلام آباد پر 2 ملزمان سے 1.5 کلوگرام آئس برآمد کی گئی۔ڈیرہ غازی خان میں سخی سرور روڈ کے قریب ملزم سے 940 گرام آئس برآمد کی گئی۔ملتان میں یونیورسٹی کے قریب ملزم سے 490 گرام آئس برآمد کی گئی۔ ترجمان نے بتایا کہ گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔
