پاکستان اور کینیڈا کے درمیان دوطرفہ سیاسی مشاورت کا پانچواں اجلاس 5 مارچ کو اوٹاوا میں ہوگا، ترجمان دفتر خارجہ

پاکستان اور کینیڈا کے درمیان دوطرفہ سیاسی مشاورت کا پانچواں اجلاس 5 مارچ کو اوٹاوا میں ہوگا۔

یہ بات ترجمان دفتر خارجہ ممتاز زہرہ بلوچ نے جمعہ کو یہاں پریس بریفنگ میں بتائی۔ انہوں نے کہا کہ دوطرفہ سیاسی مشاورت میں پاکستانی وفد کی قیاد ت ایڈیشنل سیکرٹری خارجہ (امریکہ) سفیر مریم آفتاب کریں گی جبکہ کینیڈین وفد کی قیادت کینیڈا کے انڈو پیسیفک کے نائب وزیر ویلڈن ایپ کریں گے۔

ترجمان نے کہاکہ فریقین دوطرفہ تعلقات کے تمام پہلوئوں اور علاقائی اور عالمی پیش رفت پر تبادلہ خیال کریں گے۔