اسرائیل میں ٹرک بس سٹاپ سے ٹکرا گیا، 24 افراد زخمی

اسرائیل میں ٹرک بس سٹاپ سے ٹکرا نے کے باعث 24 افراد زخمی ہوگئے۔ اے ایف پی کے مطابق اسرائیل کے دارالحکومت تل ابیب کے شمال میں ایک ٹرک بس سٹاپ سے ٹکرا گیا جس کے نتیجے میں متعدد افراد زخمی ہو گئے ہیں۔

پولیس نے فوری طور پر تفصیلات فراہم نہیں کیں کہ واقعے کی وجہ کیا تھی یا آیا یہ حملہ تھا۔اسرائیل کی ایمرجنسی سروس میگن ڈیوڈ ایڈوم سروس نے ایک بیان میں بتایاکہ ایک ٹرک رہائشی علاقے رمت ہشارون میں ہارون یاریو بلیوارڈ پر بس سٹاپ سے ٹکرایا۔ امدادی کارکن فی الحال درجنوں زخمیوں کو طبی امداد فراہم کر رہے ہیں۔

ایمرجنسی سروس نے بعد میں بتایا کہ کم از کم 16 افراد کو ابتدائی طور پر قریبی ہسپتالوں میں منتقل کیا گیا۔ پولیس نے بھی متعدد زخمیوں کی تصدیق کی۔