کوکا کولا نے گورنر پنجاب سے تعریفی سرٹیفکیٹ وصول کر لیا

کوکا کولا پاکستان کو ماحولیاتی اور سماجی شعبہ میں اپنے وژن او ر آپریشنز کے دوران پائیداری کے اصولوں پر عمل پیرا ہونے پر قائم مقام گورنر و سپیکر پنجاب اسمبلی ملک احمد خان کی جانب سے تعریفی سرٹیفکیٹ سے نوازا گیا ۔کوکا کولا پاکستان کی جانب سے ڈائریکٹر پبلک افیئرز اینڈ سٹیک ہولڈر مینجمنٹ ڈاکٹر فیصل ہاشمی نے ایک تقریب میں یہ تعریفی سرٹیفکیٹ وصول کیا۔یہ سرٹیفکیٹ ماحولیاتی اور سماجی پائیداری پر کمپنی کے ان اقدامات کا اعتراف ہے جو اس کے توسیعی پروڈیوسر کی ذمہ داری (ای پی آر) کے پورٹ فولیو کے حصے کے طور پر ہے۔

فیصل ہاشمی نے کہا کہ گورنر آفس کی جانب سے یہ اعتراف ایک رہنما کے طور پر ہمارے کردار کی پہچان ہے اور یہ ہمارے کراس سیکشن اور پلاسٹک کو اکٹھا کرنے کے عزم کو تقویت دیتا ہے کیونکہ زیادہ تر بوٹلنگ پارٹنر پلانٹس صوبہ پنجاب میں واقع ہیں۔ اس سال کوکا کولا اپنے پارٹنرز، کیپٹل ڈویلپمنٹ اتھارٹی (سی ڈی اے) اور نیشنل انکیوبیشن سینٹر (این آئی سی) کے ساتھ پاکستان کی پہلی پلاسٹک سڑک کی تیسری سالگرہ منائے گا۔ یہ ایک کلومیٹر سڑک جو تین گنا زیادہ پائیدار ہے، اسلام آباد میں پبلک پرائیویٹ پارٹنرشپ کے تحت بنائی گئی تھی جس میں 10,000 ٹن ری سائیکل پلاسٹک کا استعمال کیا گیا تھا اور ناقابل ری سائیکل پلاسٹک کو دوبارہ استعمال کرنے کے قابل توسیعی طریقوں کا مظاہرہ کیا گیا تھا۔