ہیری بروک نے پاکستان کی پچز کو بیٹنگ کے لئے موزوں قرار دے دیا

انگلینڈ کرکٹ ٹیم کے ہیری بروک نے کہا ہے کہ پاکستان میں پچز بیٹنگ کے لئے سازگار ہیں، یہاں کھیلنے کا تجربہ مثبت رہا ، پاکستان اور انگلینڈ کے درمیان جاری ٹیسٹ سیریز کا تیسرا اور آخری میچ جمعرات سے شروع ہونے جا رہا ہے۔میڈیا سے گفتگو کرتے ہوئے ہیری بروک نے کہا کہ وہ اس بار بھی اپنی بیٹنگ پر اعتماد رکھتے ہیں اور اپنی بہترین کارکردگی کا مظاہرہ کریں گے۔

انہوں نے مزید کہا کہ 2022 میں پچز بہت زیادہ فلیٹ تھیں لیکن اس بار صورتحال کچھ مختلف ہے اور راولپنڈی کی پچ اتنی فلیٹ دکھائی نہیں دے رہی۔ہیری بروک نے کہا کہ ٹیم اس بدلتی کنڈیشنز کے مطابق اپنی حکمت عملی تیار کر رہی ہے اور وہ اپنی پوری کوشش کریں گے کہ اس سیریز کا اختتام بہترین انداز میں کریں۔