رحیم یارخان،شیخ زید میڈیکل کالج میں 17ویں سپورٹس گالا کی اختتامی تقریب تقسیم انعامات کا انعقادکیاگیا

شیخ زید میڈیکل کالج میں 17ویں سپورٹس گالا کی اختتامی تقریب تقسیم انعامات کا انعقادکیاگیا۔مہمان خصوصی پرنسپل پروفیسر ڈاکٹر سلیم لغاری نے انعامات تقسیم کئے۔سپورٹس گالا میں فسٹ ائیر تا فائنل ائیر ایم بی بی ایس طلباء وطالبات کی کثیر تعداد میں شرکت۔3تا9اکتوبر2024تک جاری رہنے والے شیخ زید میڈیکل کالج سپورٹس گالا میں طلباء، پروفیسرز، فیکلٹی ممبران نے ان ڈور، آؤٹ ڈور گیمز میں حصہ لیا،

ان ڈور گیمز میں ٹیبل ٹینس، بیڈ منٹن، کیرم بورڈ اور شطرنج جبکہ آؤٹ ڈور گیمز میں کرکٹ، فٹ بال، باسکٹ بال، والی بال اور اتھلیٹکس کے مقابلوں میں 100میٹر، 400میٹر دوڑ، ریلی ریس، ٹگ آف وار، جیولین تھرو، لانگ جمپ، شاٹ پٹ و دیگر شامل تھے۔مجموعی طور پر کھیلوں کے مقابلوں میں ایم بی بی ایس فائنل ائیر کے سٹوڈینٹس نے میدان مار لیا ا ور کرکٹ، فٹ بال، باسکٹ بال میں گولڈ میڈل حاصل کیا۔ ایم بی بی ایس فائنل ائیر کے عبدالرحیم جبکہ ایم بی بی ایس تھرڈ ائیر کی قرۃ العین سال کی بہترین ایتھلیٹس قرار پائے۔فیکلٹی مقابلوں میں نوجوان ڈاکٹرز، اسسٹنٹ پروفیسرز، ایسوسی ایٹ پروفیسرز اور پرنسپل شیخ زید میڈیکل کالج نے حصہ لیا، فیکلٹی کرکٹ میچ میں کلینیکل سائیڈ فیکلٹی نے بیسک سائنسز فیکلٹی کو شکست دی