جنوبی کوریا ہماری خودمختاری کی خلاف ورزی نہ کرنے کی ضمانت دے، شمالی کوریا
شمالی کوریا نے جنوبی کوریا کی حکومت پر زور دیا ہے کہ وہ ایسے اقدامات کرے جن سے اس کی خودمختاری کی کسی بھی خلاف ورزی کو روکا جا سکے، جیسا کہ رواں سال کے آغاز میں ڈرون کی دراندازی کے واقعے میں ہوا تھا۔ شنہوا کے مطابق یہ بات ورکرز پارٹی آف کوریا کی مرکزی کمیٹی کی نائب شعبہ ڈائریکٹر کم یو جونگ نے جمعرات کو جاری کیے گئے ایک پریس بیان میں کہی۔ انہوں نے کہا کہ جنوبی کوریا کے وزیر برائے اتحادجونگ ٹونگ یونگ نے منگل کو سال کے آغاز میں پیش آنے والے ڈرون دراندازی کے واقعے پر باضابطہ طور پر افسوس کا اظہار کیا تھا۔
کم یو جونگ نے کہا کہ جنوبی کوریا کی حکومت کو محض افسوس کے اظہار سے بحران کو دبانے کی کوشش کرنے کی بجائے ایسے ٹھوس اور احتیاطی اقدامات کرنے چاہئیں جو اس بات کی یقینی ضمانت دیں کہ ہماری ریاست کی فضائی حدود کی خلاف ورزی جیسے سنگین اقدام دوبارہ کبھی نہ ہوں۔ انہوں نے خبردار کیا کہ شمالی کوریا کی ناقابلِ تنسیخ خودمختاری کی خلاف ورزی جیسے دوبارہ اشتعال انگیز اقدام پر یقینی طور پر سخت ردعمل دیا جائے گا۔
