بھارت کے روہن بھوپنا رولیکس پیرس ماسٹرزاوپن ٹینس مینزڈبلز کوارٹر فائنل میں پہنچ گئے

بھارت کے ٹینس کھلاڑی روہن بھوپنا اور ان کے آسٹریلین جوڑی دار میتھیو ایبڈن پر مشتمل تھرڈ سیڈڈ جوڑی اے ٹی پی رولیکس پیرس ماسٹرز اوپن ٹینس ٹورنامنٹ میں مردوں کے ڈبلز مقابلوں کے کوارٹر فائنل رائونڈ میں پہنچ گئی ۔

ایونٹ کی تھرڈ سیڈڈ جوڑی نے مینز ڈبلز کے دوسرے رائونڈ میں برازیلین ٹینس کھلاڑی مارسیلو میلو اور ان کے جرمن جوڑی دار الیگزینڈرزویروف کو شکست دی ۔ اے ٹی پی کے زیر اہتمام رولیکس پیرس ماسٹرز اوپن ٹینس ٹورنامنٹ کے دلچسپ مقابلوں کا سلسلہ فرانس کے دارالحکومت پیرس میں جاری ہے۔

مردوں کے ڈبلز مقابلوں کے دوسرے رائونڈ میں بھارت کے ٹینس کھلاڑی روہن بھوپنا اور ان کے آسٹریلین جوڑی دار میتھیو ایبڈن پر مشتمل تھرڈ سیڈڈ جوڑی نے عمدہ کارکردگی کا مظاہرہ کرتے ہوئے حریف برازیلین ٹینس کھلاڑی مارسیلو میلو اور ان کے جرمن جوڑی دار الیگزینڈرزویروف ک سٹریٹ سیٹس میں ٹائی بریک پر 4-6 اور 6-7(5-7)سے شکست دے کر ٹورنامنٹ کے کوارٹر فائنل رائونڈ کے لئے کوالیفائی کرلیا۔