اپنی عطیہ مہم کے ساتھ این ڈی ایم اے کی وابستگی ظاہر کرنا درست نہیں، ترجمان این ڈی ایم اے

نیشنل ڈیزاسٹر مینجمنٹ اتھارٹی کے ترجمان نے کہا ہے کہ ایک ادارے کی جانب سے اپنی عطیہ مہم کے ساتھ این ڈی ایم اے کی وابستگی ظاہر کرنا درست نہیں، غزہ امداد کے لیے فنڈز جمع کرنے میں این ڈی ایم اے سے متعلقہ دعویٰ جھوٹ اور فریب ہے۔

منگل کو جاری ایک بیان میں ترجمان نے کہا کہ فنڈ ز جمع کرنے کے لیے سرکاری ادارے کا نام غلط استعمال کرنا انتہائی افسوسناک عمل ہے، این ڈی ایم اے ایسے عوامل کے خلاف قانونی چارہ جوئی کا حق محفوظ رکھتا ہے۔ عوام سے گزارش کی جاتی ہے کہ احتیاط برتیں اور این ڈی ایم اے کے ساتھ وابستگی کا دعویٰ کرنے والے کسی بھی ادارے یا فرد کی تحقیق و تصدیق ضرورکریں۔