ایران کا آبنائے ہرمز پر 3 امریکی ڈرونز مار گرانے کا دعویٰ

ایران کی نیم سرکاری خبر رساں ایجنسی ‘تسنیم’ کی رپورٹ کے مطابق ایرانی پاسدارانِ انقلاب نے دعویٰ کیا ہے کہ انہوں نے بندر خمیر کے ساحلی علاقے کی فضاؤں میں 2 امریکی ’لوکاس‘ ڈرون اور آبنائے ہرمز میں ایک امریکی ایم کیو 9 ڈرون کو مار گرایا ہے۔

واضح رہے کہ اس حالیہ کارروائی سے قبل، گزشتہ رات بھی پاسدارانِ انقلاب کی بحریہ نے آبنائے ہرمز کے اسٹریٹجک علاقے میں ایک ڈرون کو نشانہ بنا کر تباہ کرنے کا باقاعدہ اعلان کیا تھا۔ خطے میں کشیدگی کے دوران ایرانی حدود کے قریب امریکی ڈرونز کو نشانہ بنانے کے ان پے در پے دعوؤں سے صورتحال مزید سنگین ہوتی دکھائی دے رہی ہے۔