ویمنز ٹی ٹوئنٹی ورلڈکپ: انگلینڈ نے جنوبی افریقا کو شکست دیکر فائنل کیلئے کوالیفائی کرلیا

آئی سی سی ویمنز ٹی ٹوئنٹی ورلڈکپ کے دوسرے سیمی فائنل میں انگلینڈ ویمنز ٹیم نے جنوبی افریقی ویمنز ٹیم کو 40 رنز سے شکست دے کر فائنل کیلئے کوالیفائی کرلیا۔

اوول کے تاریخی گراؤنڈ پر کھیلے گئے ایونٹ کے دوسرے سیمی فائنل میں انگلینڈ ویمنز نے پہلے بیٹنگ میں 5 وکٹ پر 169رنز اسکور کیے۔ کپتان نیٹ شائور برنٹ نے 75 رنز کی اننگز کھیلی۔

اُن کے علاوہ ہیدر نائٹ نے 58 رنز بنائے، ملابا اور شبنم اسماعیل نے 2،2 کھلاڑیوں کو آؤٹ کیا۔

ہدف کے تعاقب میں جنوبی افریقی ویمنز ٹیم 8 وکٹ پر129رنز تک پہنچ سکی اور 40 رنز سے میچ ہار گئی۔ تزمین برٹز 51 رنز بناکر نمایاں رہیں۔

یوں انگلینڈ ویمنز ٹیم نے جنوبی افریقی ویمنز ٹیم کو 40 رنز سے شکست دے کر فائنل کیلئے کوالیفائی کرلیا۔

ایونٹ کے فائنل میں انگلینڈ ویمنز کا مقابلہ آسٹریلیا ویمنز سے اتوار5 جولائی کو ہوگا۔