سیکنڈ سیڈڈ آئیگا سویٹیک قطر اوپن ٹینس ویمنز سنگلز سیمی فائنل میں پہنچ گئیں
پولینڈ کی نامور ٹینس سٹار ،دفاعی چیمپئن، سابق عالمی نمبر ون اور ایونٹ کی سیکنڈ سیڈڈ آئیگا سویٹیک اپنی پیش قدمی کو جاری رکھتے ہوئے قطر اوپن ٹینس ٹورنامنٹ کے سیمی فائنل رائونڈ میں پہنچ گئیں ۔23 سالہ پولینڈ کی ٹینس سٹار اور ایونٹ کی دفاعی چیمپئن آئیگا سویٹیک نے عمدہ کھیل پیش کرتے ہوئے خواتین کے سنگلز مقابلوں کے کوارٹر فائنل میچ میں قازقستان کی حریف کھلاڑی ایلینا ریباکینا کو شکست دے کر سیمی فائنل رائونڈ کے لئے کوالیفائی کیا۔قطر کے دارالحکومت دوحہ کے خلیفہ انٹرنیشنل ٹینس اینڈ سکواش کمپلیکس قطر ٹینس ٹورنامنٹ کے انتہائی دلچسپ اور کانٹے دار مقابلے میں جاری ہیں جس میں شائقین ٹینس کو عمدہ مقابلے دیکھنے کو ملیں گے۔
جمعہ کو خواتین کے سنگلز مقابلوں کے کوارٹر فائنل میچ میں 23 سالہ پولینڈ کی ٹینس سٹار اور ایونٹ کی دفاعی چیمپئن آئیگا سویٹیک نے عمدہ کھیل پیش کرتے ہوئے قازقستان کی حریف کھلاڑی ایلینا ریبا کینا کوسٹریٹ سیٹس میں 2-6 اور5-7 سے ہرا کر نہ صرف ایونٹ سے باہر کر دیا بلکہ ٹورنامنٹ کے سیمی رائونڈ کے لئے کوالیفائی کرلیا،جہاں فاتح آئیگا سویٹیک کا مقابلہ لٹویا کی حریف کھلاڑی جیلینا اوسٹاپنکو سے ہوگا۔
