انسٹی ٹیوٹ آف چارٹرڈ اکاؤنٹنٹس آف پاکستان کے زیر اہتمام دبئی میں سی ایف او کانفرنس مڈل ایسٹ 2024 کے چوتھے ایڈیشن کا انعقاد

انسٹی ٹیوٹ آف چارٹرڈ اکاؤنٹنٹس آف پاکستان(آئی کیپ) نے اپنی پروفیشنل اکاوئنٹس ان بزنس کمیٹی کے ذریعے دبئی میں سی ایف او کانفرنس مڈل ایسٹ 2024 کے چوتھے ایڈیشن کا انعقاد کیا گیا۔

منگل کو آئی کیپ کی جانب سے جاری اعلامیہ کے مطابق کانفرنس میں انوائرمینٹل ، سوشل ، اینڈ گورننس اور آرٹیفیشل انٹیلی جنس ، علاقائی تعاون جیسے جدید موضوعات پر اہم بات چیت پیش کی گئی۔ جامع ترقی کاروباری حکمت عملیوں کی تشکیل نو” کے تھیم کے تحت منعقد ہونے والی اس کانفرنس میں مشرق وسطیٰ اور جنوبی ایشیا کے 400 سے زیادہ اعلیٰ مالیاتی ایگزیکٹوز، صنعت کے رہنماؤں اور پالیسی سازوں کو اکٹھا کیا گیا تاکہ ترقی پذیر اقتصادی، تکنیکی اور ماحولیاتی چیلنجوں سے نمٹنے کے لیے جامع منصوبہ بندی کے تحت کام کیا جا ئے۔”مشرق وسطی میں مالیات میں خواتین” کے موضوع پر اپنے خطاب میں آر اے کے چیمبر آف کامرس اور آر اے کے انشورنس کمپنی کے بورڈ ممبر عارفہ الفالحی نے خطے میں مالیات کے مستقبل کی تشکیل میں خواتین کے اہم کردار پر زور دیا۔

انہوں نے مالیاتی شعبے میں صنفی تنوع اور شمولیت کی اہمیت کو اجاگر کیا۔ انہوں نے کہا کہ خواتین کو فنانس میں بااختیار بنانا نہ صرف معاشی ترقی کو آگے بڑھاتا ہے بلکہ ایک زیادہ لچکدار اور اختراعی صنعت کو بھی فروغ دیتا ہے۔ تعاون کی اہمیت پر تبصرہ کرتے ہوئے یو اے ای میں پاکستان کے سفیر فیصل ترمذی نے کہا کہ آج کی باہم جڑی ہوئی عالمی معیشت میں پاکستان اور متحدہ عرب امارات کے درمیان شراکت داری مشترکہ خوشحالی کے لیے ایک اہم بنیاد کے طور پر کام کرتی ہے۔

اپنے اقتصادی اہداف کو ہم آہنگ کرکے اور باہمی تعاون کو فروغ دے کر، ہم نہ صرف تجارت اور سرمایہ کاری کو بڑھا رہے ہیں بلکہ جدت اور پائیدار ترقی کی نئی راہیں بھی پیدا کر رہے ہیں۔ آئی سی اے پی کے صدر فرخ رحمان نے آج کے تیزی سے بدلتے ہوئے کاروباری ماحول میں بہترین کارکردگی کے لیے درکار بصیرت اور ٹولز کے ساتھ فنانس پروفیشنلز کو بااختیار بنانے کے لیے اپنے عزم کا اظہار کیا۔ انہوں نے کہا کہ سی ایف او کانفرنس مڈل ایسٹ 2024 جامع ترقی کو فروغ دینے اور مستقبل کے لیے فنانس لیڈروں کی تیاری کے لیے ایک مؤثر پلیٹ فارم رہا ہے۔ ہمارا مقصد خطے کے مالیاتی منظر نامے کو تبدیل کرنا اور پائیدار ترقی کا راستہ طے کرنا ہے۔ پی اے آئی بی کمیٹی کے چیئرمین اور آئی سی اے پی کے کونسل ممبر محمد سمیع اللہ صدیقی نے شرکاء کو کانفرنس میں خوش آمدید کہا اور ان کی شرکت پر شکریہ ادا کیا۔

انہوں نے فنانس میں تعاون اور جدت طرازی کی اہمیت کو اجاگر کرتے ہوئے پیشہ ور افراد کی حوصلہ افزائی کی کہ وہ اپنی تنظیموں میں بامعنی تبدیلی لانے کے لیے ایونٹ کے دوران حاصل کردہ بصیرت سے فائدہ اٹھا سکیں۔ صدر او ایل اے ایم ایگری بیکاش پرساد،نے اہداف کو حاصل کرنے کی جانب عالمی پیشرفت کا ایک تنقیدی جائزہ پیش کیا۔ انہوں نے تنظیموں کو ان کے پائیداری کے اہداف کو مؤثر طریقے سے پورا کرنے میں مدد کے لیے تیز رفتار کوششوں اور مشترکہ قابل عمل حکمت عملیوں کی فوری ضرورت پر زور دیا۔ متحرک "پاور ٹانک”سیشن کے دوران، کاروباری اور ویڈیو تخلیق کار خالد العمیری نے تخلیقی صلاحیتوں اور لچک کے بارے میں شرکا کو بریف کیا۔کانفرنس میں اوپن فورم ڈسکشن، احمد الگباری چارٹرڈ اکاؤنٹنٹس کی ایسوسی ایٹ پارٹنر عالیہ نور کی زیر نگرانی، پاکستان اور متحدہ عرب امارات کے درمیان سفارتی اور اقتصادی ہم آہنگی کو مضبوط بنانے پر مرکوز تھی۔

گلف نیوی گیشن ہولڈنگ کے گروپ سی ایف او علی ابودا کے زیر انتظام "ٹرانسفارمنگ فنانس اسٹریٹیجیز فار ان لاکنگ دی فل پوٹینشل آف آٹومیشن” کے پینل نے فنانس میں آٹومیشن کو زیادہ سے زیادہ بنانے کے لیے حکمت عملیوں پر تبادلہ خیال کیا۔ پینلسٹ جیوانی فنیس نووا (سی ایف او، دی بحری اینڈ مزروئی گروپ)، حاتم حسنی (گروپ سی ایف او، پیرس گروپ انٹرنیشنل)، اور محمد شفیق (سی ایف او، بائر مڈل ایسٹ) نے اس بات پر تبادلہ خیال کیا کہ کس طرح آٹومیشن مالیاتی عمل کو نئی شکل دے رہا ہے۔پینل ڈسکشن میں "نئی دنیا میں فنانس – مالیاتی کامیابی کو آگے بڑھانے کے لیے اہم مہارتوں کو اپنانا” میں الخیاط انویسٹمنٹ کے سی ایف او، پاولو موناکو نے بریفنگ دی ۔

فنانس لیڈرز نے آج کے مالیاتی منظر نامے کے لیے درکار ضروری مہارتوں کے بارے میں بصیرت کا اشتراک کیا۔ پینلسٹ ڈاکٹر احمد بن عبداللہ المیغمز (سی ای او،ایس اوسی پی اے)، احمد علی بن عُبُود (سی ایف او، ڈریگن آئل ہولڈنگز)، اورتیمر ابوموسلم (گروپ سی ایف او، ایماراٹیک) نے سرکردہ ٹیموں کے لیے حکمت عملیوں، تیز رفتار تبدیلیوں کے مطابق ڈھالنے، اور پیچیدہ چیلنجوں کو نیویگیٹ کرنے پر تبادلہ خیال کیا۔ اولم ایگری کے صدر اور سی ایف او بیکاش پرساد کے زیر انتظام پینل ڈسکشن "ای ایس جی رپورٹنگ میں پوشیدہ قدر کی دریافت” نے ماحولیاتی، سماجی، اور گورننس (ای ایس جی) رپورٹنگ کے اسٹریٹجک فوائد کی کھوج کی۔ باکو میں کوپ- 29 کی آرگنائزنگ کمیٹی کی رکن پینلسٹ نتاوان ممادووا نے اس بات پر روشنی ڈالی کہ کس طرح شفاف ای ایس جی طرز عمل نئی کاروباری قدر کو کھول سکتے ہیں اور پائیدار ترقی کو آگے بڑھا سکتے ہیں۔

محمد یوسف ناگھی گروپ کے گروپ سی ایف او فیصل سلیم بخاری کے زیر انتظام "ایک چیلنجنگ اور غیر یقینی ماحول میں مالیات کا مستقبل” کے پینل میں، فنانس لیڈرز نے اس بات پر تبادلہ خیال کیا کہ کس طرح تیزی سے پیچیدہ مالیاتی منظر نامے کو نیویگیٹ کیا جائے۔ پینلسٹ عدیل نیازی (گروپ سی ایف او، بینڈ ون)، کیرول گلین (مالیاتی فلاح و بہبود کے کوچ اور فن ٹیک تخلیق کار)، اور خلیل اللہ شیخ (بورڈ ممبر، آئی ایف اے سی ) نے غیر یقینی صورتحال سے نمٹنے اور لچکدار رہنے کے لیے موافقت کا فائدہ اٹھانے کے بارے میں بتایا۔آئی ایف اے ، سی ایف او کانفرنس مڈل ایسٹ 2024 ایک مضبوط، زیادہ جامع پیشہ ورانہ کمیونٹی کو فروغ دینے کے عزم کے ساتھ اختتام پذیر ہوئی جو سرحدوں کے پار ترقی اور لچک کو فروغ دیتی ہے۔