چئیرمین پی سی بی کی انگلینڈ کے خلاف تیسرا ٹیسٹ اور سیریز جیتنے پر قومی کرکٹ ٹیم کو مبارکباد

چیئرمین پاکستان کرکٹ بورڈ محسن نقوی نے انگلینڈ کے خلاف تیسرا ٹیسٹ اور سیریز جیتنے پر قومی کرکٹ ٹیم کو مبارکباد دی ہے۔ چیئرمین پی سی بی محسن نقوی نے ہفتہ کوپاکستان کرکٹ ٹیم کے نام جاری اپنے تہینتی پیغام میں کہا کہ قومی کھلاڑیوں نے بہترین کھیل پیش کرکے فتح اپنے نام کی۔انہوں نے کہا کہ ساجد خان اور نعمان علی نے شاندار باولنگ کرکے اپنی صلاحیتوں کو ثابت کیا،

سعود شکیل نے سنچری سکور کرکے عمدہ بلے بازی کا مظاہرہ کیا،ٹیم نے شاندار پرفارمنس دکھائی اور ٹیسٹ سیریز اپنے نام کی۔انہوں نے کہا کہ اس جیت سے کھلاڑیوں کا مورال بلند ہو گا۔چیئرمین پاکستان کرکٹ بورڈ نے کہا کہ قوم کے ساتھ کھلاڑیوں کو بھی ایسی شاندار فتح کا انتظار تھا۔نئے کھلاڑیوں نے کارکردگی سے ٹیم میں اپنی شمولیت کو درست ثابت کیا ہے۔