ٹاپ سیڈڈ کیٹرینا سینیاکوواڈبلیو ٹی اے گوانگ ژو اوپن ٹینس ویمنز سنگلز سیمی فائنل رائونڈ میں داخل

جمہوریہ چیک کی ٹینس سٹار اور ایونٹ کی ٹاپ سیڈڈ کیٹرینا سینیاکووا اپنی عمدہ کارکردگی کی بدولت ڈبلیو ٹی اے گوانگ ژو اوپن ٹینس ٹورنامنٹ میں خواتین کے سنگلز مقابلوں کے سیمی فائنل رائونڈ میں پہنچ گئیں جبکہ امریکی ٹینس سٹار برنارڈا پیرا ویمنز سنگلز کے کوارٹر فائنل رائونڈ میں ہار کر ایونٹ سے باہر ہوگئیں۔ ڈبلیو ٹی اے کے زیر اہتمام گوانگ ژو اوپن ٹینس ٹورنامنٹ کے دلچسپ مقابلوں کا سلسلہ چین کے مشہور شہر گوانگ ژو میں نانشا انٹرنیشنل ٹینس سینٹر میں جاری ہے۔

خواتین کے سنگلز مقابلوں کے کوارٹر فائنل رائونڈ میچ میں 28 سالہ جمہوریہ چیک کی کیٹرینا سینیا کووا نے شاندار کارکردگی کا مظاہرہ کرتے ہوئے امریکی حریف ٹینس کھلاڑی برنارڈا پیرا کو سٹریٹ سیٹس میں 4-6 اور 5-7 سے ہرا کر ایونٹ کے سیمی فائنل رائونڈ کے لئے کوالیفائی کرلیا،جہاں فاتح کھلاڑی کا مقابلہ سربین حریف کھلاڑی اولگا ڈینیلوویچ سے ہوگا۔