عمران خان کیلئے جیل میں جوکھانا آتا ہے وہ فائیو اسٹار ہوٹل میں بھی دستیاب نہیں، خواجہ آصف

وزیر دفاع خواجہ آصف نے بانی پی ٹی آئی عمران خان پر تنقید کرتے ہوئے کہا ہے جیل میں عمران خان کے لیے جو کھانا آتا ہے وہ فائیو اسٹار ہوٹل میں بھی دستیاب نہیں، بانی پی ٹی آئی کو ڈبل بیڈ اور مخملی بستر میسر ہے۔

ایکس پر عمران خان کی وزارت عظمیٰ کے دور کی ویڈیو شیئر کرتے ہوئے خواجہ آصف کا کہنا تھا کہ بانی پی ٹی آئی کا کھانا باہر سے آتا ہے اس کا مینیو چیک کر یں، بانی پی ٹی آئی کے پاس ٹی وی بھی ہے، وہ مرضی کے چینل دیکھتے ہیں۔

خواجہ آصف کا کہنا تھا کہ بانی پی ٹی آئی کے لیے ورزش کی مشینیں بھی موجود ہیں۔

ان کا کہنا تھا کہ ہم تو ٹھنڈے فرش پر سوتے تھے،کھانا جیل کا تھا، ہمارے پاس جیل میں دو کمبل تھے، جنوری کا مہینہ تھا اور گرم پانی نہیں تھا، سپرنٹنڈنٹ جیل اسد وڑائچ نے خود صبح آکر گیزر اتروایا تھا۔

،خواجہ آصف نے کہا کہ عمران خان کو جیل کے لاؤڈ اسپیکر پر اپنی واشنگٹن ارینا والی تقریر سننی چاہیے، اللہ سے ڈرنا چاہیے وقت کی ملکیت کسی کے پاس نہیں۔