حکومت نے 11 ویں قومی مالیاتی کمیشن کا اجلاس 4 دسمبر کو طلب کرلیا

اسلام آباد: حکومت نے 11 ویں قومی مالیاتی کمیشن کا اجلاس 4 دسمبر کو طلب کرلیا۔

11 ویں قومی مالیاتی کمیشن کا اجلاس وفاقی وزیر خزانہ سینیٹر اورنگزیب کی صدارت میں ہوگا جس میں چاروں صوبوں کے وزرائے خزانہ اورپرائیوٹ ممبران شرکت کریں گے۔

ایجنڈے کے مطابق وفاقی سیکرٹری مرکزی حکومت کی مالی صورتحال پر بریفنگ دیں گے جب کہ صوبوں کے نمائندے 10، 10 منٹ کیلئے اپنی مالی پوزیشن پر بریفنگ دیں گے۔

وزارت خزانہ کا بتانا ہے کہ 4 دسمبر کے اجلاس میں قومی مالیاتی کمیشن ایوارڈ طے کرنے کے لیے آئندہ اجلاسوں کا شیڈول اور ٹائم لائنز طے ہوگی۔