پاکستان کے اسجد اقبال بھارتی حریف کو شکست دیکر اسنوکر ورلڈ کپ کے سیمی فائنل میں پہنچ گئے

پاکستان کے اسجد اقبال بھارتی حریف کو شکست دیکر اسنوکر ورلڈ کپ کے سیمی فائنل میں پہنچ گئے۔

عمان میں جاری اسنوکر ورلڈ کپ کے کوارٹر فائنل میں اسجد اقبال نے بھارت کے پنکج ایڈوانی کو شکست دے کر سیمی فائنل کیلئے کوالیفائی کرلیا۔

اسجد اقبال کے خلاف بھارتی کیوئیسٹ ایک فریم بھی نہ جیت سکے۔ اسجد اقبال نے کوارٹر فائنل میچ 100-00، 92-37، 117-16 اور 83-21 سے جیتا۔

میچ کے بعد دونوں پلیئرز نے اسپورٹس مین اسپرٹ کا مظاہرہ کرکے ہاتھ ملایا اور گلے بھی ملے۔

واضح رہے کہ اسنوکر ورلڈ کپ کے سیمی فائنل میں اسجد اقبال کل فرانس کے نکولز مورٹریوکس سے مقابلہ کریں گے۔