چین نے فلپائن کو اشتعال انگیزی سے باز رہنے کی تنبیہ کر دی

چین نے فلپائن کو خبردار کیا ہے کہ وہ جنوبی بحیرۂ چین میں اشتعال انگیز اقدامات اور کشیدگی میں مزید اضافے سے فوراً گریز کرے۔شنہوا کے مطابق چین کی پیپلز لبریشن آرمی (پی ایل اے ) کے سدرن تھیٹر کمانڈ کے ترجمان تیان جون لی نے یہ بیان فلپائن کی جانب سے علاقے سے باہر کے ممالک کے ساتھ کیے جانے والے مبینہ "مشترکہ گشت” کے تناظر میں دیا۔ ترجمان کے مطابق یہ سرگرمیاں خطے میں امن و استحکام کو نقصان پہنچا رہی ہیں۔بیان کے اختتام میں چین نے زور دیا کہ خطے کا امن برقرار رکھنے کے لیے فلپائن کو ’’ذمہ دارانہ طرزِ عمل‘‘ اختیار کرنا ہوگا۔