گورنر خیبرپختونخوا فیصل کریم کنڈی کا بار سلونا میں پاکستانی قونصلیٹ کا دورہ

گورنر خیبرپختونخوا فیصل کریم کنڈی نے بار سلونا میں پاکستانی قونصلیٹ کا دورہ کیا جہاں قونصل جنرل مراد وزیر نے انکا خیرمقدم کیا۔یہاں موصولہ پریس ریلیز کے مطابق اس موقع پر گورنر خیبرپختونخوا کو قونصلیٹ کی جانب سے پاکستانی کمیونٹی کے ساتھ رابطوں ، پاکستان کا امیج بلند کرنے اور سرمایہ کاری کے حوالہ سے جاری کوششوں سے آگاہ کیا گیا۔

گورنر فیصل کریم کنڈی نے قونصل جنرل مراد وزیر اور انکے عملہ کی پاکستانی کمیونٹی کے ساتھ رابطہ کاری کو سراہا۔ اس موقع پر قونصل جنرل مراد وزیر نے گورنر خیبرپختونخوا فیصل کریم کنڈی اور انکے وفد کے ممبران کو خصوصی ٹوپیاں پہنائیں اور عزت افزائی پر انکا شکریہ ادا کیا۔گورنر فیصل کریم کنڈی نے مہمانوں کی کتاب میں اپنے تاثرات بھی قلمبند کیے۔