خیبر پختونخوا: دہشت گردوں کا پولیس چیک پوسٹوں پر راکٹ لانچرز سے حملہ، اہلکار شہید

 خیبر پختونخوا میں پولیس چیک پوسٹ پر 3 دہشت گرد حملوں میں 1 اہلکار شہید ہوگئے۔

تفصیلات کے مطابق پشاور کے نواحی علاقوں میں دہشت گردوں نے 3 پولیس چوکیوں اور ایک تھانے پر حملے کیے، لاجبوک چیک پوسٹ پر حملے میں پولیس اہلکار ثنااللہ شہید ہوگئے۔

پولیس کا کہنا ہے کہ دہشت گردوں نے راکٹ لانچرز، اسنائپر اور رائفلز سے حملہ کیا، لعل قلعہ، کلال ڈھیری اور شداس پوسٹوں پر بھی حملے کیے گئے، پولیس کی جوابی کارروائی پر دہشت گرد فرار ہونے میں کامیاب ہوگئے۔

گزشتہ شب دو بجے کے قریب پولیس کوئیک رسپانس فورس کے اہلکار رات گئے معمول کی پیٹرولنگ کر رہے تھے کہ نامعلوم مسلح افراد نے گھات لگا کر فائرنگ کردی۔

ڈی پی او سید بلال کے مطابق پولیس اہلکار ڈیوٹی پورا کرکے واپس پولیس لائن آرہے تھے کہ اس پر پناہ کوت کے مقام پر فتنہ الخوارج حملہ کردیا جس میں 3 اہلکار موقع پر شہید ہوگئے جبکہ 6 اہلکار زخمی ہوئے ۔