محمد رضوان نے ویسٹ انڈیز کے خلاف جیت کا کریڈٹ کس کھلاڑی کو دیا؟

پاکستان ون ڈے ٹیم کے کپتان محمد رضوان کا کہنا ہے کہ پہلے ون ڈے میچ جیت کا کریڈٹ حسن نواز اور حسین طلعت کو جاتا ہے۔

ویسٹ انڈیز کے برائن لارا اسٹیڈیم میں کھیلے گئے پہلے ون ڈے میچ میں پاکستان نے ویسٹ انڈیز کو پانچ وکٹوں سے شکت دی، ویسٹ انڈیز کی جانب سے دیا جانے والا 281 رنز کا ہدف گرین شرٹس نے 5 وکٹوں کے نقصان پر حاصل کرلیا۔

حسن نواز کو ڈیبیو پر شاندار 63 رنز کی ناقابل شکست اننگز کھیلنے پر میچ کا بہترین کھلاڑی قرار دیا گیا۔

کپتان محمد رضوان نے 53، بابر اعظم نے 47 رنز بناکر آؤٹ ہوئے، حسین طلعت نے 41 اور سلمان آغا نے 23 رنز بنائے۔

پہلا ون ڈے جیتنے کے ساتھ ہی پاکستان کو تین میچز کی سیریز میں 0-1 کی برتری حاصل ہوگئی۔ دوسرا میچ اتوار اور تیسرا اور آخری میچ منگل کو برائن لارا اسٹیڈیم میں ہی کھیلا جائے گا۔

تاہم میچ کے بعد میڈیا سے گفتگو کرتے ہوئے کپتان محمد رضوان نے کہا کہ حسن نواز اور حسین طلعت نے جس طرح پارٹنر شپ قائم کی اور میچ جتوایا وہ خوش آئند ہے۔

انہوں نے کہا کہ بولنگ میں بہتری کی ضرورت ہے۔ شاہین اور نسیم نے آخری اوورز میں اچھی بولنگ کی، کنڈیشنز کا فائدہ اٹھاتے تو ویسٹ انڈیز کو 230 رنز تک روک سکتے تھے