پہلے ون ڈے میں ویسٹ انڈیز کا پاکستان کو جیت کیلئے 281 رنز کا ہدف

تروبا : پاکستان اور ویسٹ انڈیز کے درمیان پہلے ون ڈے میں ویسٹ انڈیز نے پاکستان کو جیت کیلئے 281 رنز کا ہدف دے دیا۔

تروبا میں کھیلے جانے والے پاکستان اور ویسٹ انڈیز کے درمیان ون ڈے سیریز کے پہلے ون ڈے میچ کی اننگز اپنے اختتام کو پہنچی پاکستان کے کپتان محمد رضوان نے ٹاس جیت کر فیلڈنگ کرنے کا فیصلہ کیا تھا۔

مقررہ 50 اوور میں سے میزبان ٹیم نے 49 اوورز کھیلے، پاکستان کو جیت کیلئے 281 رنز کا ہدف دیا، ویسٹ انڈیز کی طرف سے ایون لیوس نے سب سے زیادہ 60 رنز بنائے۔

دیگر کھلاڑیوں میں کپتان شائے ہوپ نے55 اور روسٹن چیس نے53رنز کی شاندار اننگز کی بدولت ویسٹ انڈیز کی ٹیم  نے مجموعی طور پر 180 رنز اسکور کیے۔

قومی ٹیم کی جانب سے پہلے ون ڈے میں نسیم شاہ نے3 ،صائم ایوب، سفیان مقیم اور سلمان علی آغا نے 1،1وکٹ جبکہ شاہین شاہ آفریدی نے 51 رنز دے کر 5 وکٹیں حاصل کیں۔

پاکستان ٹیم

پاکستان کی پلیئنگ الیون میں محمد رضوان، عبداللہ شفیق، حسن نواز، بابر اعظم، صائم ایوب، سلمان آغا، حسین طلعت، فہیم اشرف، شاہین آفریدی، نسیم شاہ اور سفیان مقیم شامل ہیں۔

ویسٹ انڈیز ٹیم

ویسٹ انڈیز کی ٹیم میں برینڈن کنگ، ایون لیوس، کارٹی، شے ہوپ، شیرفین ردرفورڈ، روسٹن چیس، روماریو شیفرڈ، گداکیش موتی، شامار جوزف، جیدین سیلز اور جیدیا بلیڈز شامل ہیں۔