اے آئی اینڈ بگ ڈیٹا ایکسپو میں شرکت کے لئے درخواستیں 12 اگست تک جمع کرائی جاسکتی ہیں ،ٹی ڈی اے پی

ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ ایمسٹرڈیم میں 24ستمبر سے ہونے والی بین الاقوامی تجارتی نمائش ’’ اے آئی اینڈ بگ ڈیٹا ایکسپو ‘‘ میں شرکت کے لئے درخواستیں 12 اگست تک جمع کرائی جاسکتی ہیں ۔

ٹی ڈی اے پی کے مطابق نمائش ایمسٹرڈیم میں 24 سے 25 ستمبر تک جاری رہے گی جس میں اے آئی سلوشنز ، بگ ڈیٹا کمپیوٹنگ ،سائبر سکیورٹی ، فن ٹیک اور ہیلتھ ٹیک سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔ نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔