پولیس اور ڈاکوؤں کے درمیان فائرنگ کے تبادلے میں 2 ڈکیت ہلاک

سی سی ڈی پولیس اور ڈاکوؤں کے درمیان فائرنگ کے تبادلے میں 2 ڈکیت مارے گئے۔

تفصیلات کے مطابق اوکاڑہ میں سی سی ڈی پولیس اور ڈاکوؤں کے درمیان مقابلہ ہوا اس دوران فائرنگ کے تبادلے میں 2 ڈاکو ہلاک جبکہ 2 ڈکیت فرار ہوگئے۔

سی سی ڈی ترجمان کا کہنا ہے کہ ہلاک ڈاکوؤں کی شناخت نعیم اللہ اور محمد حسین کے نام سے ہوئی ہے، مفرور ڈاکوؤں میں ساجد اور شان شامل ہیں۔

پولیس کا کہنا ہے کہ ہلاک  ڈاکوؤں سے اسلحہ، موٹر سائیکل اور گولیاں برآمد ہوئیں، ڈاکو قتل، ڈکیتی، رہزنی کے 50 سے زائد مقدمات میں ملوث تھے، ڈاکوؤں کیخلاف سی سی ڈی پر حملہ، مزاحمت، اسلحہ برآمدگی کے تحت مقدمہ درج کیا گیا ہے۔