وفاقی حکومت کا شوگر اسٹاک کی مانیٹرنگ سخت کرنے کا فیصلہ

اسلام آباد: وفاقی حکومت نے شوگر اسٹاک کی مانیٹرنگ سخت کرنے کا فیصلہ کیا ہے، ایف بی آر کو ٹاسک دیا جائے گا کہ وہ شوگر ملز اسٹاک کی سخت مانیٹرنگ کریں۔

ذرائع نے بتایا کہ ایف بی آر حکام شوگر ملز کی اسٹاک کی سخت مانیٹرنگ کریں گے، ملک میں 19 لاکھ ٹن چینی موجود ہے، نومبرتک چینی کے ذخائرکی سختی سے مانیٹرنگ کی جائے گی، ایف بی آر حکام ٹریک اینڈ ٹریس کو یقینی بنائیں گے۔

چینی کی سپلائی میں جعلی ٹریک اینڈ ٹریس پر سخت کارروائی کا فیصلہ کیا گیا ہے، ٹریک اینڈ ٹریس کا اسٹیکر دوبارہ استعمال کرنے پر بھی سخت ایکشن ہوگا۔

ذرائع کا شوگر ملز کی اسٹاک کی سخت مانیٹرنگ کے حوالے سے مزید کہنا تھا کہ نومبرتک چینی کی سپلائی کے لیے اقدامات کیے جائیں گے۔