حکومت پاکستان کا فلسطین کیلئے فوری امدادی پیکج کا اعلان

اسلام آباد: حکومت پاکستان نے فلسطین کیلئے فوری امدادی پیکج کا اعلان کیا ہے، امدادی پروازیں آئندہ 2 دن میں روانہ ہونگی۔

وزیراعظم پاکستان شہباز شریف کی ہدایت پر فلسطین کیلئے امدادی پروازیں آئندہ 2 دن میں روانہ کی جائیں گی، این ڈی ایم اے 100 ٹن پر مشتمل 2 کارگو طیاروں کے ذریعے امدادی سامان فلسطین بھجوائے گا۔

برطانوی وزیراعظم کا ستمبر میں فلسطین کو ریاست تسلیم کرنے کا اعلان
امدادی سامان خصوصی پروازوں پراردن اور مصر کے راستے فلسطین پہنچایا جائےگا، نائب وزیراعظم اسحاق ڈار امدادی سامان کی روانگی و ترسیل کی نگرانی کریں گے۔

اردن اور مصر میں پاکستانی سفیر فلسطینی علاقوں میں امدادکی ترسیل کو یقینی بنائیں گے، پاکستانی عوام فلسطینی بہن بھائیوں کے ساتھ مکمل یکجہتی اور حمایت کا اعادہ کرتی ہے۔