پاکستان میں سونے کی قیمت میں مسلسل تیسرے روز کمی

پاکستان میں سونے کی قیمت میں مسلسل تیسرے روز کمی ہوئی ہے۔

آل پاکستان جیمز اینڈ جیولرز ایسوسی ایشن کے مطابق پاکستان میں سونے کی فی تولہ قیمت 300 روپے کم ہوکر 3 لاکھ 56 ہزار 400 روپے ہوگئی۔

اسی طرح 10 گرام سونا 257 روپے کمی سے 3 لاکھ 5 ہزار 555 روپے کا ہوگیا۔

عالمی مارکیٹ میں بھی سونے کی قیمت میں معمولی کمی ہوئی، سونے کی قدر فی اونس 3 ڈال رکمی سے 3337 ڈالر ہوگئی۔

پاکستان میں آج ڈالر اور دیگر کرنسیوں کی قیمت
واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔

اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔

پاکستان میں گزشتہ برس سونے کی قیمت کے تعین کے طریقہ کار میں تبدیلی کی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔