انگلش پریمیئر فٹ بال لیگ میں (ہفتہ کو) مزید 5میچ کھیلے جائیں گے

انگلش پریمیئر فٹ بال لیگ میں کل (ہفتہ کو)مزید 5میچوں کا فیصلہ ہوگا۔ ای پی ایل میں شائقین فٹ بال کو انتہائی دلچسپ اور کانٹے دار مقابلے دیکھنے کو مل رہے ہیں۔پہلا میچ دفاعی چیمپئن مانچسٹر سٹی اور وولور ہیمپٹن کی ٹیموں کے درمیان اتحاد سٹیڈیم،مانچسٹر کے مقام پر کھیلا جائے گا،دوسرا میچ آسٹن ولا اور فلہم کی ٹیموں کے درمیان ولا پارک،برمنگھم کے مقام پر کھیلا جائے گا،تیسرے میچ میں ایورٹن اور ایپسوچ ٹائون کی ٹیمیں آمنے سامنے ہوں گی اور یہ میچ گڈیسن پارک، لیورپول، انگلینڈن میں کھیلا جائے گا۔

چوتھا میچ لیسٹر سٹی اور سائوتھمپٹن کی ٹیموں کے درمیان کنگ پائور سٹیڈیم ، لیسٹر میں کھیلا جائے گاجبکہ 3مئی بروز ہفتہ کا پانچواں اور آخری میچ آرسنل بورن مائوتھ کی ٹیموں کے درمیان ایمرٹس سٹیڈیم، لندن کے مقام پر کھیلا جائے گا۔انگلش پریمیئر فٹ بال لیگ کے 33 ویں سیزن کا آغاز ہوچکا ہے جو مجموعی طور پر ٹاپ فلائٹ انگلش فٹ بال کا 126واں ایڈیشن ہے۔

ای پی ایل میں شامل 20 ٹیمیں ٹائٹل کے حصو ل کے لئے پنجہ آزمائی کر رہی ہیں جن میں دفاعی چیمپئن مانچسٹر سٹی ،بورن ماؤتھ،آرسنل ،آسٹن ولا ،برینٹ فورڈ، برائٹن اینڈ ہوو البیون ،چیلسی،کرسٹل پیلس،ایورٹن،فلہم،ایپسوچ ٹائون،لیسٹرسٹی ،لیورپول،مانچسٹر یونائیٹڈ ،نیو کیسل ،ناٹنگھم فارسٹ ،ساؤتھمپٹن،ٹوٹنہم ہاٹ پور،ویسٹ ہیم اوروولور ہیمپٹن شامل ہیں۔