وزیر اعظم محمد شہباز شریف پاکستانی وفد کے ہمراہ دبئی پہنچ گئے

وزیر اعظم محمد شہباز شریف پاکستانی وفد کے ہمراہ دبئی، متحدہ عرب امارات پہنچ گئے۔

پیر کو وزیراعظم آفس کے پریس ونگ سے جاری کردہ بیان کے مطابق نائب وزیر اعظم و وزیر خارجہ اسحاق ڈار، وفاقی وزراء خواجہ آصف، احد خان چیمہ، محمد اورنگزیب، سردار اویس خان لغاری، عطاء اللہ تارڑ اور معاون خصوصی طارق فاطمی بھی وزیر اعظم کے ہمراہ ہیں۔

متحدہ عرب امارات کے نائب صدر و وزیر اعظم اور دبئی کے فرمانروا شیخ محمد بن راشد المکتوم کی دعوت پر وزیر اعظم محمد شہباز شریف ورلڈ گورنمنٹس سمٹ میں شرکت کیلئے متحدہ عرب امارات کا دورہ کر رہے ہیں۔