کھیلوں کی دنیا
بھارت نے جنوبی افریقا کو شکست دیکر ویمنز انڈر 19 ٹی ٹوئنٹی ورلڈ کپ جیت لیا
بھارت نے جنوبی افریقا کو شکست دیکر آئی سی سی ویمنز انڈر 19 ٹی ٹوئنٹی ورلڈ کپ جیت لیا۔
اتوار کو کوالالمپور میں آئی سی سی ویمنز انڈر 19 ٹی ٹوئنٹی ورلڈ کپ کا فائنل کھیلا گیا جس میں بھارت اور جنوبی افریقا کی ویمنز ٹیمیں مدمقابل تھیں۔
فائنل میں جنوبی افریقا کی ویمنز ٹیم نے ٹاس جیت کر پہلےبیٹنگ کرنے کا فیصلہ کیا لیکن بھارتی بولرز کے سامنے بڑا اسکور کرنے میں ناکام رہی اور پوری جنوبی افریقی ویمنز ٹیم 20 اوورز میں 82 رنز پرآؤٹ ہوگئی۔
بھارتی ویمنز ٹیم نے 83 رنز کا آسان ہدف ایک وکٹ کےنقصان پر بارہویں اوور میں حاصل کرلیا۔گونگادی تریشا 44 اور سنیکا 26 رنز کے ساتھ ناقابل شکست رہیں۔
