قومی
صدر مملکت آصف علی زرداری کا ژوب میں فتنہ الخوارج کے خلاف کامیاب آپریشن پر سیکیورٹی فورسز کو خراج تحسین
صدر مملکت آصف علی زرداری نے ضلع ژوب میں فتنہ الخوارج کے خلاف کامیاب آپریشن پرسیکیورٹی فورسز کو خراج تحسین پیش کیا ہے۔ منگل کو ایوانِ صدر کے پریس ونگ کے مطابق صدر مملکت نے کامیاب کارروائی کے دوران 15 خوارجیوں کو جہنم واصل کرنے پر فورسز کی بہادری کو سراہا
۔ انہوں نے آپریشن کے دوران دہشت گردوں سے لڑتے ہوئے جامِ شہادت نوش کرنے والے سپاہی عارف الرحمن شہید کو خراج عقیدت پیش کیا ،انہوں نے شہید کیلئے بلندی درجات اور اہلخانہ کیلئے صبر جمیل کی دعا کی۔ صدر مملکت نے دہشت گردی کی لعنت کے مکمل خاتمے تک کارروائیاں جاری رکھنے کے عزم کا اظہار کرتے ہوئے کہا کہ پوری قوم دہشت گردی کے خلاف جنگ میں سیکیورٹی فورسز کے ساتھ ہے۔
