آسٹریلیا میں ٹرک کی کنڈرگارٹن سکول سے ٹکر ، ایک شخص ہلاک، بچہ زخمی

آسٹریلیا کی ریاست وکٹوریہ میں ٹرک کنڈرگارٹن سکول کی بیرونی باڑ کو توڑتا ہوا اس کے صحن میں گھس گیا جس کے نتیجے میں ایک شہری ہلاک اور ایک بچہ شدید زخمی ہو گیا ۔

شنہوا کے مطابق وکٹوریہ پولیس نے پیر کو سوشل میڈیا پر بتایا کہ یہ حادثہ پیر کی سہ پہر کو 2 بج کر 20 منٹ کے قریب ریاست وکٹوریہ کے دارالحکومت میلبورن سے تقریباً 45 کلومیٹر شمال مغرب میں ایک چھوٹے قصبے ریڈلز کریک میں مین روڈ پر اس وقت پیش آیا جب ایک واٹر بائوزر ٹرک کنڈرگارٹن سکول کی باڑ کو توڑتا ہوا اس کے صحن میں گھس گیا جس کے باعث ایک شخص ہلاک اور ایک بچہ شدید زخمی ہو گیا تاہم اس کی زندگی کو خطرہ نہیں ہے اسے ہسپتال منتقل کر دیا گیا ہے۔