جدہ میں بین الاقوامی تجارتی نمائش میں شرکت کے لئے درخواستیں طلب

ریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ سعودی عرب میں منعقد ہونے والی بین الاقوامی تجارتی نمائش ’’ سنگل کنٹری ایگزبیشن جدہ ‘‘ میں شرکت کے لئے 25 نومبر تک درخواستیں جمع کروائی جاسکتی ہیں ۔

ٹی ڈی اے پی کی جانب سے جاری تفصیلات کے مطابق 3روزہ نمائش سعودی عرب کے شہر جدہ میں 5سے 7فروری تک جاری رہے گی جس میں انجینئرنگ ، زرعی ، ٹیکسٹائل اور گارمنٹس اور سروسز کے شعبے سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے ۔نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔