متحدہ عرب امارات،بینکنگ سیکٹر سرمائے اور ذخائر تاریخ کی بلند ترین سطح پر پہنچ گئے

متحدہ عرب امارات کے بینکنگ سیکٹر سرمائے اور ذخائر تاریخ کی بلند ترین سطح پر پہنچ گئے۔خبر رساں ادارے وام (ایمریٹس نیوز ایجنسی)کے مطابق متحدہ عرب امارات کے بینکنگ سیکٹر نے ایک اہم سنگ میل عبور کرلیا ہے۔ جولائی 2024 تک، متحدہ عرب امارات میں کام کرنے والے بینکوں کا کل سرمایہ اور ذخائر پہلی بار 500 ارب درہم سے تجاوز کر گئے ہیں۔

متحدہ عرب امارات کے مرکزی بینک کے جاری کردہ تازہ ترین اعداد و شمار کے مطابق، اس شعبے کے سرمائے اور ذخائر میں سال بہ سال 10.5 فیصد کا نمایاں اضافہ دیکھا گیا، جو جولائی 2023 میں 454.9 ارب درہم سے بڑھ کر جولائی 2024 میں 502.6 ارب درہم تک پہنچ گیا۔

مزید برآں، اس شعبے کے سرمائے اور ذخائر میں 2024 کے پہلے سات ماہ کے دوران تقریبا 13.3 بلین درہم کا قابل ذکر اضافہ ہوا، جو 2023 کے اختتام پر 489.3 بلین درہم سے بڑھ گیا۔مرکزی بینک کے مطابق ان اعداد و شمار میں ماتحت قرضوں اور ڈپازٹس کو شامل نہیں کیا گیا ہے لیکن اس میں رواں سال کا منافع بھی شامل ہے۔مجموعی سرمائے اور ذخائر میں قومی بینکوں کا حصہ 86.3 فیصد ہے جو جولائی 2024 تک 433.7 ارب درہم تک پہنچ گیا، جو سال بہ سال 10.4 فیصد کی نمو کی عکاسی کرتا ہے۔

غیر ملکی بینکوں نے بھی اہم کردار ادا کیا اور جولائی کے آخر تک مجموعی سرمائے اور ذخائر میں 13.7 فیصد کا حصہ ڈالا جو 68.9 ارب درہم تھا، جو سال بہ سال 11.1 فیصد اضافہ ہے۔یہ قابل ذکر کامیابی متحدہ عرب امارات کے بینکاری شعبے کی طاقت اور لچک کو اجاگر کرتی ہے، جو ملک کی اقتصادی ترقی اور استحکام کے کلیدی محرک کے طور پر اس کی پوزیشن کو مستحکم کرتی ہ