وفاقی وزیرداخلہ محسن نقوی کی لکی مروت میں فتنہ الخوارج کے دہشتگردوں کی مسجد میں فائرنگ کے واقعہ کی شدید مذمت

وفاقی وزیرداخلہ محسن نقوی کی لکی مروت میں فتنہ الخوارج کے دہشتگردوں کی مسجد میں فائرنگ کے واقعہ کی شدید مذمت کی اور فائرنگ سے شہید ہونے والے کیڈٹ عارف اللہ کو زبردست الفاظ میں خراج عقیدت پیش کیا۔

اپنے بیان میں وزیرداخلہ محسن نقوی نے شہید کیڈٹ عارف اللہ کے اہل خانہ سے دلی ہمدردی و تعزیت کا اظہار کیا۔وزیر داخلہ محسن نقوی نے کہا کہ مسجد پر حملہ کے واقعہ کی جتنی بھی مذمت کی جائے کم ہے۔کیڈٹ عارف اللہ نے بہادری سے مقابلہ کرتے ہوئے جام شہادت نوش کیا اور نمازیوں کی جانیں بچائیں۔ بہادر کیڈٹ عارف اللہ کو قوم سلام پیش کرتی ہے۔ شہید کیڈٹ عارف اللہ کے خاندان کے ساتھ کھڑے ہیں۔ انہوں نے کہا کہ قوم دہشتگردی کے خلاف جنگ میں شہید سکیورٹی فورسز کے افسروں اور جوانوں کی قربانیوں کو قدر کی نگاہ سے دیکھتی ہے۔