انگلینڈ نے تیسرے ٹیسٹ کے لیے 2 کھلاڑیوں کی تبدیلی کے ساتھ ٹیم کا اعلان کر دیا،فاسٹ بائولر گس اٹکنسن ٹیم میں واپس آ گئے ہیں

انگلینڈ مینز ٹیم نے پاکستان کے خلاف تیسرے ٹیسٹ میچ کے لیے اپنی حتمی ٹیم کا اعلان کر دیا ہے۔ یہ میچ جمعرات سے راولپنڈی میں شروع ہو گا۔دوسرا ٹیسٹ ملتان میں کھیلا گیا تھا۔فاسٹ بائولر گس اٹکنسن انگلینڈ ٹیم میں واپس آ گئے ہیں جبکہ لیگ سپنر ریحان احمد کو بھارت کے خلاف فروری میں راجکوٹ میں کھیلے گئے ٹیسٹ کے بعد پہلی مرتبہ ٹیم میں شامل کیا گیا ہے۔

ڈرہم کے برائڈن کارس اور میتھیو پوٹس اس بار ٹیم کا حصہ نہیں ہوں گے۔انگلینڈ کی تیسرے ٹیسٹ کے لیے ٹیم میں زیک کرالی،بین ڈکٹ،اولی پوپ،جو روٹ،ہیری بروک،بین سٹوکس (کپتان)،جیمی سمتھ،گس اٹکنسن،ریحان احمد،جیک لیچ اور شعیب بشیر شامل ہیں ۔