سوئی ناردرن نے گیس چوری پر پنجاب، خیبر پختونخوا اور اسلام آباد کے مختلف علاقوں میں مزید 121 غیر قانونی کنکشن منقطع کر دئیے

سوئی ناردرن گیس پائپ لائنز لمیٹڈ نے گیس چوری کے خلاف جاری کریک ڈائون کے دوران پنجاب، خیبر پختونخوا اور اسلام آباد کے مختلف علاقوں میں مزید 121 غیر قانونی گیس کنکشن منقطع کر دئیے جبکہ 35 لاکھ روپے سے زائد کے جرمانے عائد کیے۔ترجمان سوئی ناردرن گیس کے مطابق لاہور میں ٹیم نے گیس کے غیر قانونی استعمال پر 15 کنکشن جبکہ کمپریسر کے استعمال پر 1 کنکشن منقطع کیا اور مجموعی طور پر 5 لاکھ 90 ہزار روپے جرمانہ عائد کیاجبکہ گوجرانوالہ میں 4 غیر قانونی کنکشن منقطع کیے گئے اور 60 ہزار روپے کا جرمانہ کیا گیا۔

فیصل آباد میں 3 غیر قانونی کنکشن منقطع کیے گئے اور 30 ہزار روپے جرمانہ عائد کیا گیا۔اسی طرح شیخوپورہ میں 1 غیر قانونی کنکشن منقطع کیا گیا اور 10 لاکھ 40 ہزار روپے کا جرمانہ کیا گیا۔ ملتان میں 18 غیر قانونی کنکشن اور 5 کمپریسر کیسز میں کنکشن منقطع کیے گئے۔ ساہیوال میں 1 غیر قانونی کنکشن اور 2 کمپریسر کیسز پر کارروائی ہوئی جبکہ بہاولپور میں 10 کمپریسر کیسز پر کنکشن منقطع کیے گئے۔خیبر پختونخوا کے علاقے مردان میں 13 غیر قانونی کنکشن منقطع کیے گئے اور 12 لاکھ 10 ہزار روپے کا جرمانہ عائد کیا گیا۔ کرک میں 38 غیر قانونی کنکشن اور 1 کمپریسر کیس پر کارروائی ہوئی اور 6 لاکھ 40 ہزار روپے کا جرمانہ کیا گیا، ساتھ ہی 40 ایف آئی آرز بھی درج کی گئیں۔گجرات میں 1 غیر قانونی کنکشن اور 2 کمپریسر کیسز پر کارروائی ہوئی، جس میں 20 ہزار روپے کا جرمانہ عائد کیا گیا۔ اسلام آباد میں 1 غیر قانونی کنکشن اور راولپنڈی میں 2 غیر قانونی کنکشن منقطع کیے گئے۔ سرگودھا میں 3 غیر قانونی کنکشن کاٹے گئے۔