فیفا کونسل نے 2030، 2034 ورلڈ کپ کے ووٹنگ کے طریقہ کار کی منظوری دے دی

فٹ بال کی عالمی تنظیم (فیفا )کی کونسل نے2030 اور 2034 کے ورلڈ کپ کے ووٹنگ کے طریقہ کار سمیت فٹ بال کی دنیا سے متعلق کئی بڑے فیصلوں کی منظوری دی ہے۔فیفا کی کونسل کا اجلاس سوئٹزرلینڈ کے شہر زیورخ میں منعقد ہوا جس میں کئی اہم فیصلے کیے گئے۔فیفا کے مطابق اگر بولی لگانے کے ہر عمل میں صرف ایک امیدوار شامل ہوتا ہے،

تو مقابلوں کے میزبانوں کا انتخاب غیر معمولی فیفا کانگریس میں ہوگا، جو 11 دسمبر 2024 کو عملی طور پر منعقد ہوگی۔فیفا نے خواتین کے فٹ بال کھیل کی 2024-2027کی حکمت عملی بھی جاری کی، جو عالمی کھیل کے لیے فیفا کے سٹریٹجک مقاصدکے وسیع فریم ورک کی عکاسی کرتی ہے،

جبکہ حکمت عملی اور آئندہ کا گیم پلان بھی قائم کرتی ہے جو خواتین کے فٹ بال کے لیے مخصوص ہیں۔فیفا کونسل نے متفقہ طور پر 2025 کلب ورلڈ کپ کے ضوابط کی منظوری دی ہے تاکہ فیفا ممبر ایسوسی ایشنز کو 1-10 جون، 2025 تک غیر معمولی رجسٹریشن ونڈو کھولنے کی اجازت دی جائے۔75ویں فیفا کانگریس کا انعقاد 15 مئی 2025 کو پیراگوئے کے شہر آسنشیئن میں ہوگا۔