پارلیمان کی بالادستی اور جمہوری اقدار کے فروغ کے لئے مولانا فضل الرحمان کا کردار قابل تحسین ہے ، وزیر داخلہ محسن نقوی
وفاقی وزیرداخلہ محسن نقوی نے کہا ہے کہ پارلیمان کی بالادستی اور جمہوری اقدار کے فروغ کے لئے مولانا فضل الرحمان کا کردار قابل تحسین ہے ، وہ زیر ک ، مدبر ،دوراندیش سیاسی راہنما ہیں ۔ منگل کو وزیر داخلہ محسن نقوی نے جے یو آئی کے سربراہ مولانا فضل الرحمان سے ملاقات کی ۔ انہوں نے مولانا فضل الرحمان اور مولانا عبدالغفور حیدری کو جے یو آئی کا بلامقابلہ امیر اور سیکرٹری جنرل منتخب ہونے پر مبارکباد پیش کی نیک خواہشات کا اظہار کا اظہار کیا ۔
وزیر داخلہ محسن نقوی نے کہا کہ مولانا فضل الرحمان کی اپنی جماعت اور پاکستان کے لئے گراں قدر خدمات ہیں ، مولانا فضل الرحمان سینئر ترین سیاستدان ہیں ، پاکستان کی سیاست میں ان کا بلند مقام ہے۔ انہوں نے کہا کہ مولانا فضل الرحمان کی قیادت میں جے یو آئی نے اصولوں پر مبنی سیاست کی ہے ، مولانا فضل الرحمان کی اپنی جماعت اور پاکستان کے لئے گراں قدر خدمات ہیں۔
