سونے کی قیمت میں ایک ہزار روپے کی کمی، فی تولہ سونا کتنےکا ہوگیا؟

کراچی: ملک بھر میں سونے کی فی تولہ قیمت میں ایک ہزار روپے کی کمی ہوئی ہے۔

آل پاکستان جیمز اینڈ ایسوسی ایشن کے مطابق ملک میں فی تولہ سونے کا بھاؤ ایک ہزار روپے کم ہوکر 4لاکھ 19ہزار 362 روپے ہوگیا ہے۔

ایسوسی ایشن کا بتانا ہے کہ 10 گرام سونے کی قیمت 857 روپے کم ہوکر 3لاکھ 59 ہزار535 روپے ہے۔

اس کے علاوہ عالمی بازار میں سونے کا بھاؤ 10 ڈالر کم ہوکر 3970 ڈالر فی اونس ہے۔