حکومت نے آئندہ 15 روز کیلئے پیٹرول اور ڈیزل کی قیمتوں میں اضافہ کردیا

حکومت نے آئندہ 15 روز کے لیے پیٹرولیم مصنوعات کی قیمتوں کا اعلان کردیا۔

وزارت خزانہ کے مطابق پیٹرول کی فی لیٹرقیمت میں 2 روپے 43 پیسے اور ڈیزل 3 روپے 2 پیسے فی لیٹر مہنگا کیاگیا۔

نوٹیفکیشن کے مطابق پیٹرول کی فی لیٹر قیمت 2 روپے 43 پیسے اضافے کے بعد 265 روپے 45 پیسے ہوگئی جبکہ ڈیزل کی فی لیٹر قیمت 278 روپے 44 پیسے فی لیٹر ہوگی۔

اوگر اذرائع کے مطابق مٹی کا تیل 3 روپے 34 پیسے فی لیٹر منہگا کیا گیا جس کے بعد مٹی کے تیل کی نئی قیمت 185روپے 5 پیسے فی لیٹر ہوگئی۔

لائیٹ ڈیزل آئل کی قیمت ایک روپے 22 پیسے بڑھنے کے بعد 163روپے 98 پیسے فی لیٹر مقرر کی گئی ہے۔

نئی قیمتوں کا اطلاق رات 12 بجے سے ہوگیا۔